წესები და პირობები

1. ზოგადი დებულებები

1.1. წინამდებარე წესები და პირობები (შემდგომში – „პირობები“) განსაზღვრავს შპს „თრიფნაუს“ (ს/კ 405856079; შემდგომში – „კომპანია“ ან „შპს „თრიფნაუ““) და მომხმარებელს შორის ურთიერთობის ძირითად წესებს კომპანიის მიერ ტურისტული და მასთან დაკავშირებული მომსახურებების შეთავაზების, დაჯავშნისა და ორგანიზებისას.

1.2. კომპანია მომხმარებელს შეიძლება სთავაზობდეს ავიაბილეთების, სასტუმროებისა და სხვა განთავსების ობიექტების, ტრანსფერების, ტურისტული პაკეტების, სამოგზაურო დაზღვევის, სავიზო მხარდაჭერისა და სხვა ტურისტული მომსახურებების შეძენას ან ორგანიზებას.

1.3. კონკრეტული მომსახურების სამართლებრივი ბუნება განისაზღვრება ფაქტობრივი გარემოებების, მომსახურების სტრუქტურის, მხარეთა შორის დადებული შეთანხმებისა და საქართველოს მოქმედი კანონმდებლობის შესაბამისად. წინამდებარე პირობების რომელიმე დებულება არ განიმარტება ისე, რომ შეიზღუდოს კანონით მომხმარებლისთვის მინიჭებული იმპერატიული უფლება.

1.4. როდესაც კონკრეტულ მომსახურებას ფაქტობრივად ასრულებს მესამე პირი, მათ შორის ავიაკომპანია, სასტუმრო, ტუროპერატორი, ტრანსფერის კომპანია, სადაზღვევო კომპანია ან სხვა მიმწოდებელი, მომსახურების შესრულებაზე ასევე ვრცელდება შესაბამისი მიმწოდებლის მოქმედი წესები და ტარიფები, კანონით გათვალისწინებული კომპანიის პასუხისმგებლობისა და მომხმარებლის უფლებების გათვალისწინებით.

1.5. წინამდებარე პირობები წარმოადგენს კომპანიის მიერ მომხმარებლისთვის წინასწარ შეთავაზებულ ზოგად სახელშეკრულებო პირობებს. კონკრეტულ მომსახურებაზე დამატებით შეიძლება გავრცელდეს ინდივიდუალურად შეთანხმებული პირობები, ბილეთი, ვაუჩერი, ჯავშნის დადასტურება, ტარიფის წესები ან სხვა შესაბამისი დოკუმენტი.

2. მომსახურების შეკვეთა და ჯავშნის დადასტურება

2.1. მომხმარებლის მიერ შეკვეთის, განაცხადის ან მომსახურების მოთხოვნის წარდგენა არ ნიშნავს, რომ მომსახურების მიწოდება საბოლოოდ დადასტურებულია.

2.2. მომსახურება ჩაითვლება დადასტურებულად მას შემდეგ, რაც შპს „თრიფნაუ“ მომხმარებელს გაუგზავნის შესაბამის დადასტურებას, ბილეთს, ვაუჩერს, ჯავშნის ნომერს ან სხვა დოკუმენტს, რომელიც კონკრეტული მომსახურების საბოლოო დადასტურებას ადასტურებს.

2.3. საბოლოო დადასტურებამდე ფასი, ხელმისაწვდომობა, ტარიფი, მარშრუტი, ადგილები და მომსახურების სხვა პირობები შეიძლება შეიცვალოს შესაბამისი მომსახურების მიმწოდებლის მიერ.

2.4. მომხმარებელი ვალდებულია შეკვეთის გაფორმებისას შპს „თრიფნაუს“ მიაწოდოს ზუსტი და სრული ინფორმაცია, მათ შორის სახელი და გვარი, დაბადების თარიღი, სამგზავრო დოკუმენტის მონაცემები, საკონტაქტო ინფორმაცია და სხვა საჭირო მონაცემები.

2.5. მომხმარებლის მიერ არასწორი ან არასრული ინფორმაციის მიწოდებით გამოწვეული დამატებითი ხარჯები, ჯავშნის ცვლილება, გაუქმება, ბილეთის ხელახლა გამოწერა ან სხვა შედეგი განისაზღვრება შესაბამისი მომსახურების პირობებით და, კანონით დასაშვებ ფარგლებში, ეკისრება მომხმარებელს.

3. ფასი, გადახდა და ანგარიშსწორება

3.1. მომსახურების ფასი განისაზღვრება მომხმარებლისთვის შეთავაზებულ კონკრეტულ პირობებში. ფასში შეიძლება შედიოდეს შპს „თრიფნაუს“ მომსახურების საფასური ან კომერციული მარჟა, თუ მომხმარებელს წინასწარ არ აქვს ცალკე მითითებული სხვა წესი.

3.2. გადახდა შეიძლება განხორციელდეს საბანკო ბარათით, Pay by Link-ის საშუალებით, საბანკო გადარიცხვით, ნაღდი ანგარიშსწორებით ან შპს „თრიფნაუს“ მიერ შეთავაზებული სხვა კანონიერად დასაშვები მეთოდით.

3.3. ნაწილობრივი გადახდის შემთხვევაში დარჩენილი თანხა უნდა იქნეს გადახდილი მომხმარებელთან შეთანხმებულ ვადაში. ვადის დარღვევისას კომპანია უფლებამოსილია, შესაბამისი მიმწოდებლის წესებისა და მოქმედი კანონმდებლობის გათვალისწინებით, არ დაასრულოს ან გააუქმოს მომსახურების დაჯავშნა.

3.4. საბოლოო დადასტურებამდე მომსახურების ფასი შეიძლება შეიცვალოს ავიაბილეთის ან სხვა ტარიფის, ხელმისაწვდომობის, ვალუტის კურსის ან მიმწოდებლის მიერ ფასის ცვლილების გამო.

3.5. თუ მომხმარებლის მიერ თანხა უკვე გადახდილია, მაგრამ კონკრეტული მომსახურება საბოლოოდ ჯერ არ არის დადასტურებული და მისი ფასი შეიცვალა, შპს „თრიფნაუ“ მომხმარებელს აცნობებს ცვლილების შესახებ და, კონკრეტული მომსახურების პირობებისა და მოქმედი კანონმდებლობის შესაბამისად, შესთავაზებს შესაბამის მოქმედებას.

4. გაუქმება, ცვლილება და თანხის დაბრუნება

4.1. მომხმარებლის მოთხოვნით მომსახურების გაუქმების ან ცვლილების შემთხვევაში თანხის დაბრუნების შესაძლებლობა და ოდენობა განისაზღვრება კონკრეტული მომსახურების მიმწოდებლის წესებით, ტარიფით, ჯავშნის პირობებით და საქართველოს მოქმედი კანონმდებლობით.

4.2. თანხის დაბრუნება შეიძლება იყოს სრული, ნაწილობრივი ან, თუ ეს კანონით დასაშვებია, არ განხორციელდეს.

4.3. მომხმარებლის მიერ მოთხოვნილი ცვლილების შემთხვევაში მომხმარებელი იხდის შესაბამისი მიმწოდებლის მიერ დადგენილ საკომისიოს, ცვლილების საფასურს და ფასთა სხვაობას, თუ ასეთი არსებობს.

4.4. შპს „თრიფნაუს“ მიერ უკვე ფაქტობრივად გაწეული და კანონით დასაშვებ ფარგლებში დაბრუნებას დაუქვემდებარებელი მომსახურების საფასური არ ბრუნდება, თუ კონკრეტული შეთანხმებით ან კანონით სხვა რამ არ არის გათვალისწინებული.

4.5. თუ მომსახურების გაუქმება ან ცვლილება გამოწვეულია მესამე პირის მიერ, კომპანია მომხმარებელს აწვდის მისთვის ხელმისაწვდომ ინფორმაციას და, სადაც შესაძლებელია, ახორციელებს შესაბამის კომუნიკაციას მიმწოდებელთან.

4.6. რამდენიმე დამოუკიდებელი მომსახურების ერთობლივად შეძენა თავისთავად არ ნიშნავს, რომ ერთი მომსახურების გაუქმება ავტომატურად იწვევს ყველა სხვა მომსახურების გაუქმებას ან თანხის სრულ დაბრუნებას, გარდა კანონით ან კონკრეტული პაკეტის პირობებით გათვალისწინებული შემთხვევებისა.

4.7. თანხის დაბრუნება განხორციელდება იმ წესითა და ვადაში, რომელიც გამომდინარეობს მოქმედი კანონმდებლობიდან, კონკრეტული მომსახურების პირობებიდან და, მესამე პირის მომსახურების შემთხვევაში, შესაბამისი მიმწოდებლისგან თანხის დაბრუნების პროცესიდან.

5. ავიაბილეთები

5.1. ავიაბილეთის პირობები, ტარიფი, ბილეთის ცვლილების, გაუქმების, დაბრუნების, no-show-ს, ბარგისა და სხვა საკითხების წესები განისაზღვრება შესაბამისი ავიაკომპანიის ან ბილეთის მიმწოდებლის ტარიფითა და წესებით.

5.2. ავიაბილეთის შეძენისას მომხმარებელი ვალდებულია გადაამოწმოს ბილეთში მითითებული მგზავრის მონაცემები, ფრენის თარიღი, დრო, მარშრუტი, აეროპორტი და სხვა არსებითი ინფორმაცია.

5.3. მომხმარებლის მიერ ბილეთის შეძენის შემდეგ ფრენის განრიგის ცვლილება, დაგვიანება, გაუქმება, მარშრუტის ცვლილება ან სხვა ავიაკომპანიის მიერ განხორციელებული ცვლილება რეგულირდება შესაბამისი ავიაკომპანიის წესებითა და მოქმედი კანონმდებლობით.

5.4. შპს „თრიფნაუ“ არ იღებს ვალდებულებას, რომ ავიაკომპანიის მიერ განხორციელებული ცვლილება თავიდან აიცილოს ან უზრუნველყოს ისეთი შედეგი, რომლის უზრუნველყოფაც კომპანიის კონტროლს არ ექვემდებარება.

6. ონლაინ რეგისტრაცია (Check-in)

6.1. თუ ონლაინ რეგისტრაციის მომსახურება გათვალისწინებულია კონკრეტული ბილეთის ან დამატებითი მომსახურების პირობებით, შპს „თრიფნაუ“ მომხმარებელს აწვდის მისთვის ხელმისაწვდომ ინფორმაციას ან ახორციელებს შესაბამის მოქმედებას შეთანხმებული მომსახურების ფარგლებში.

6.2. ონლაინ რეგისტრაციის ვადები, მეთოდი, დამატებითი საფასური და ტექნიკური მოთხოვნები შეიძლება განისაზღვროს ავიაკომპანიის მიერ.

6.3. თუ მომხმარებელი თავად ახორციელებს ონლაინ რეგისტრაციას, მის მიერ რეგისტრაციის ვადის დარღვევით ან არასწორი მონაცემების შეყვანით გამოწვეული შედეგები განისაზღვრება ავიაკომპანიის წესებით.

6.4. თუ ონლაინ რეგისტრაცია ტექნიკურად შეუძლებელია ან კონკრეტული ავიაკომპანია მოითხოვს აეროპორტში რეგისტრაციას, გამოიყენება შესაბამისი ავიაკომპანიის პირობები.

7. ბარგი

7.1. ბარგის დასაშვები რაოდენობა, წონა, ზომა და საფასური განისაზღვრება კონკრეტული ავიაკომპანიის ან სხვა შესაბამისი მიმწოდებლის პირობებით.

7.2. შპს „თრიფნაუ“ მომხმარებელს აწვდის მისთვის ხელმისაწვდომ ინფორმაციას ბარგის პირობების შესახებ, თუმცა საბოლოო შემოწმება მომხმარებლის პასუხისმგებლობაა.

7.3. სპეციალური, არასტანდარტული ან დამატებითი ბარგის გადაზიდვისთვის შეიძლება დაწესდეს ცალკე საფასური და სპეციალური პირობები.

8. Self-transfer და დამოუკიდებელი ბილეთები

8.1. თუ მომხმარებელი ყიდულობს დამოუკიდებელ ბილეთებს, რომლებიც არ წარმოადგენს ერთიან ბილეთს ან ერთიან სატრანსპორტო ხელშეკრულებას, მათ შორის კავშირი ავტომატურად გარანტირებული არ არის.

8.2. Self-transfer-ის შემთხვევაში მომხმარებელი თავად არის პასუხისმგებელი საკმარისი დროის გათვალისწინებაზე, ბარგის ხელახლა რეგისტრაციაზე, აეროპორტებს შორის გადაადგილებაზე, ტრანზიტის ან შესვლის მოთხოვნებზე და შესაბამისი დოკუმენტების არსებობაზე.

8.3. პირველი რეისის დაგვიანება ან გაუქმება ავტომატურად არ ქმნის მეორე დამოუკიდებელი ბილეთის უფასოდ ცვლილების ან თანხის დაბრუნების საფუძველს, გარდა იმ შემთხვევისა, როდესაც ამას შესაბამისი მიმწოდებლის პირობები ან კანონი ითვალისწინებს.

9. სასტუმროები და განთავსება

9.1. სასტუმროს ან სხვა განთავსების ობიექტის ფაქტობრივ მომსახურებას ახორციელებს შესაბამისი ობიექტი ან მისი ოპერატორი, თუ კონკრეტული შეთანხმებით სხვა რამ არ არის გათვალისწინებული.

9.2. ოთახის კატეგორია, კვება, განთავსების პირობები, check-in/check-out, დეპოზიტი, დამატებითი გადასახადები და სხვა პირობები განისაზღვრება კონკრეტული ჯავშნითა და განთავსების ობიექტის წესებით.

9.3. შპს „თრიფნაუ“ არ არის სასტუმროს ოპერატორი და, გარდა კანონით გათვალისწინებული ან საკუთარი ბრალით გამოწვეული შემთხვევებისა, პასუხს არ აგებს სასტუმროს პერსონალის მოქმედებაზე, ობიექტის ადგილზე მომსახურების ხარისხზე, ჰიგიენაზე, კვებაზე, უსაფრთხოებაზე ან სხვა ფაქტობრივ გარემოებაზე, რომლის კონტროლიც კომპანიას არ აქვს.

9.4. მომსახურებასთან დაკავშირებული პრობლემა მომხმარებელმა დაუყოვნებლივ უნდა აცნობოს თავად ობიექტს და, საჭიროების შემთხვევაში, შპს „თრიფნაუს“, რათა შესაძლებელი იყოს შესაბამისი რეაგირება.

10. ტურისტული პაკეტი და დაკავშირებული ტურისტული მომსახურებები

10.1. ტურისტული პაკეტის ან დაკავშირებული ტურისტული მომსახურების არსებობა განისაზღვრება საქართველოს მოქმედი კანონმდებლობითა და კონკრეტული მომსახურების ფაქტობრივი სტრუქტურით და არა მხოლოდ მხარეთა მიერ გამოყენებული სახელწოდებით.

10.2. თუ კონკრეტული მომსახურება კანონით განიხილება ტურისტულ პაკეტად ან დაკავშირებულ ტურისტულ მომსახურებად, შპს „თრიფნაუს“ მიმართ გამოიყენება შესაბამისი კანონით დადგენილი უფლებები და ვალდებულებები.

10.3. წინამდებარე პირობების არცერთი დებულება არ გამორიცხავს ან ზღუდავს ტურისტის იმ უფლებებს, რომელთა შეზღუდვაც მოქმედი კანონმდებლობით დაუშვებელია.

10.4. კანონით დაშვებულ შემთხვევაში ტურისტული პაკეტის ხელშეკრულებით შპს „თრიფნაუს“ პასუხისმგებლობა ზიანისთვის შეიძლება შეიზღუდოს პაკეტის ღირებულების სამმაგი ოდენობით, გარდა კანონით გათვალისწინებული გამონაკლისებისა.

10.5. თუ პაკეტის მომსახურება ფაქტობრივად სრულდება მესამე პირების მიერ, მათი მომსახურება ექვემდებარება შესაბამის მიმწოდებელთა პირობებს, თუმცა ეს დებულება არ გამორიცხავს ტურისტული პაკეტის მარეგულირებელი კანონით შპს „თრიფნაუსთვის“ დაკისრებულ პასუხისმგებლობას.

11. ტრანსფერები

11.1. ტრანსფერის შესრულებას ახორციელებს შესაბამისი სატრანსფერო კომპანია ან მძღოლი, თუ კონკრეტული შეთანხმებით შპს „თრიფნაუ“ თავად არ არის მომსახურების ფაქტობრივი შემსრულებელი.

11.2. მომხმარებელი ვალდებულია უზრუნველყოს ზუსტი ფრენის, სასტუმროს, მისამართისა და საკონტაქტო ინფორმაციის მიწოდება.

11.3. ფრენის ცვლილებით, დაგვიანებით, არასწორი მონაცემებით ან მომხმარებლის დაგვიანებით გამოწვეული დამატებითი ხარჯები განისაზღვრება კონკრეტული ტრანსფერის პირობებით.

12. სავიზო მომსახურება და სავიზო მხარდაჭერა

12.1. სავიზო მხარდაჭერის ფარგლებში შპს „თრიფნაუ“ შეიძლება დაეხმაროს მომხმარებელს დოკუმენტების მომზადებაში, განაცხადის ტექნიკურ დამუშავებაში ან შესაბამის კომუნიკაციაში.

12.2. ვიზის გაცემის, უარის თქმის, ვადის, პირობებისა და გადაწყვეტილების მიღების უფლებამოსილება ეკუთვნის შესაბამის სახელმწიფოს, საკონსულოს, საელჩოს ან სხვა უფლებამოსილ ორგანოს.

12.3. შპს „თრიფნაუ“ არ იძლევა ვიზის გაცემის გარანტიას, თუ ასეთი გარანტია პირდაპირ და წერილობით არ არის შეთანხმებული და კანონით დასაშვებია.

12.4. მომხმარებელი პასუხისმგებელია მის მიერ წარმოდგენილი ინფორმაციისა და დოკუმენტების ნამდვილობასა და სისწორეზე.

13. სამოგზაურო დაზღვევა

13.1. დაზღვევის ხელშეკრულების მხარე, სადაზღვევო დაფარვა, გამონაკლისები, ლიმიტები, ფრანშიზა და ზიანის ანაზღაურების წესი განისაზღვრება შესაბამისი სადაზღვევო კომპანიის პოლისითა და პირობებით.

13.2. შპს „თრიფნაუ“ არ არის სადაზღვევო რისკის მატარებელი, თუ კონკრეტულ მომსახურებაზე იგი თავად არ არის სადაზღვევო მომსახურების მიმწოდებელი.

13.3. სადაზღვევო შემთხვევის დადგომისას მომხმარებელმა უნდა იმოქმედოს პოლისით გათვალისწინებული წესით და დროულად დაუკავშირდეს შესაბამის სადაზღვევო კომპანიას.

14. სამგზავრო დოკუმენტები და ქვეყანაში შესვლის მოთხოვნები

14.1. მომხმარებელი თავად არის პასუხისმგებელი მოქმედი პასპორტის, ვიზის, ბინადრობის დოკუმენტის, ტრანზიტის უფლების, ჯანმრთელობისა და სხვა სავალდებულო დოკუმენტების არსებობაზე, რამდენადაც კანონით ან კონკრეტული მომსახურებით სხვა რამ არ არის გათვალისწინებული.

14.2. ქვეყანაში შესვლის, ტრანზიტის, ვიზის ან სხვა სასაზღვრო მოთხოვნებზე საბოლოო გადაწყვეტილებას იღებს შესაბამისი სახელმწიფო ორგანო.

14.3. შპს „თრიფნაუ“ მომხმარებელს აწვდის მისთვის ხელმისაწვდომ ინფორმაციას, თუმცა მომხმარებელი ვალდებულია მოგზაურობამდე თავად გადაამოწმოს შესაბამისი ქვეყნის მოქმედი მოთხოვნები.

15. კომუნიკაცია, დადასტურება და ელექტრონული დოკუმენტები

15.1. მომხმარებლის მიერ შპს „თრიფნაუსთვის“ მითითებული ელფოსტა, ტელეფონის ნომერი ან სხვა საკომუნიკაციო არხი შეიძლება გამოყენებულ იქნეს ჯავშნის, გადახდის, ცვლილების, გაუქმების ან მოგზაურობასთან დაკავშირებული ინფორმაციის გასაგზავნად.

15.2. ელექტრონულად გაგზავნილი ბილეთი, ვაუჩერი, ინვოისი, ჯავშნის დადასტურება ან სხვა დოკუმენტი შეიძლება გამოყენებულ იქნეს შესაბამისი მომსახურების დასადასტურებლად.

15.3. მომხმარებელი ვალდებულია უზრუნველყოს მის მიერ მითითებულ საკომუნიკაციო საშუალებებზე წვდომა და დროულად გაეცნოს მიღებულ ინფორმაციას.

16. მოგზაურობის პერიოდში მხარდაჭერა

16.1. შპს „თრიფნაუს“ საკომუნიკაციო არხები შეიძლება გამოყენებულ იქნეს მოგზაურობის პერიოდში ინფორმაციის მისაღებად და შესაბამისი მომსახურების საკითხებზე კომუნიკაციის დასამყარებლად.

16.2. თუ კონკრეტული მომსახურება ითვალისწინებს 24/7 მხარდაჭერას, აღნიშნული გულისხმობს საკომუნიკაციო არხის ხელმისაწვდომობას შესაბამისი წესით და არ ნიშნავს პრობლემის დაუყოვნებლივ გადაწყვეტის, მესამე პირის გადაწყვეტილებაზე გავლენის ან კონკრეტული შედეგის გარანტიას.

16.3. მესამე პირის მიერ მომსახურების შესრულებისას შპს „თრიფნაუ“ ახორციელებს მისთვის ხელმისაწვდომ კომუნიკაციას შესაბამის მიმწოდებელთან, თუმცა ვერ უზრუნველყოფს ისეთი მოქმედების შესრულებას, რომელიც მხოლოდ მესამე პირის გადაწყვეტილებაზეა დამოკიდებული.

16.4. თუ კანონით შპს „თრიფნაუს“ ეკისრება ტურისტისთვის დახმარების კონკრეტული ვალდებულება, კომპანია შეასრულებს მას კანონით დადგენილი მოცულობით.

17. შპს „თრიფნაუს“ პასუხისმგებლობა და მესამე პირები

17.1. შპს „თრიფნაუს“ პასუხისმგებლობა განისაზღვრება კონკრეტული მომსახურების ბუნების, მხარეთა შეთანხმების, კომპანიის მიერ ფაქტობრივად ნაკისრი ვალდებულებებისა და საქართველოს მოქმედი კანონმდებლობის შესაბამისად.

17.2. მესამე პირის მიერ მომსახურების ფაქტობრივად შესრულება თავისთავად არ ნიშნავს, რომ შპს „თრიფნაუ“ იღებს მესამე პირის ყველა სახელშეკრულებო ვალდებულებას, გარდა იმ შემთხვევისა, როდესაც ასეთი პასუხისმგებლობა გამომდინარეობს კანონიდან ან კონკრეტული შეთანხმებიდან.

17.3. კომპანია არ აგებს პასუხს იმ შედეგზე, რომელიც გამოწვეულია მესამე პირის მიერ შესრულების შეფერხებით, გაუქმებით, განრიგის ცვლილებით ან სხვა მოქმედებით, როდესაც შესაბამისი შედეგი არ არის გამოწვეული კომპანიის ბრალით და მისი პასუხისმგებლობა კანონით არ არის დადგენილი.

17.4. წინამდებარე პირობების არცერთი დებულება არ ზღუდავს პასუხისმგებლობას იმ შემთხვევებში, როდესაც ასეთი შეზღუდვა მოქმედი კანონმდებლობით დაუშვებელია.

18. არაპირდაპირი ხარჯები და დამატებითი დახმარება

18.1. მომხმარებლის მიერ დამოუკიდებლად გაწეული დამატებითი ხარჯები, მათ შორის კვების, ტრანსპორტირების, კავშირის, ალტერნატიული საცხოვრებლის ან სხვა ხარჯები, ანაზღაურდება მხოლოდ მაშინ, როდესაც ამის ვალდებულება პირდაპირ გამომდინარეობს კანონიდან, კონკრეტული მომსახურების პირობებიდან ან შპს „თრიფნაუს“ წერილობითი შეთანხმებიდან.

18.2. დამატებითი დახმარება, რომელსაც კომპანია მომხმარებელს სთავაზობს კეთილსინდისიერების ან მომსახურების გაუმჯობესების მიზნით, არ განიხილება როგორც ახალი ან დამატებითი სახელშეკრულებო ვალდებულება, თუ მხარეებმა ამის შესახებ ცალკე არ შეთანხმდნენ.

18.3. ეს მუხლი არ ზღუდავს კანონით გათვალისწინებულ ზიანის ანაზღაურების ან სხვა სავალდებულო უფლებებს.

19. გარდაუვალი და განსაკუთრებული გარემოებები

19.1. გარდაუვალ და განსაკუთრებულ გარემოებად შეიძლება ჩაითვალოს გარემოება, რომელიც სცილდება შპს „თრიფნაუს“ გონივრულ კონტროლს და რომლის შედეგების თავიდან აცილება ყველა გონივრული ღონისძიების განხორციელების მიუხედავად შეუძლებელია.

19.2. ასეთ გარემოებებს შეიძლება მიეკუთვნოს სტიქიური უბედურება, ეპიდემია ან საგანგებო მდგომარეობა, ომი, სამოქალაქო არეულობა, ტერორისტული საფრთხე, გაფიცვა, აეროპორტის ან საჰაერო სივრცის დახურვა, სახელმწიფო ორგანოს გადაწყვეტილება, საზღვრის რეჟიმის ცვლილება, მასშტაბური ტექნიკური შეფერხება და სხვა ანალოგიური გარემოება.

19.3. გარდაუვალი და განსაკუთრებული გარემოების არსებობა არ ათავისუფლებს შპს „თრიფნაუს“ იმ ვალდებულებების შესრულებისგან, რომელთა შესრულებაც კონკრეტულ გარემოებებში ობიექტურად შესაძლებელია და კანონით სავალდებულოა.

20. პერსონალური მონაცემები და კონფიდენციალურობა

20.1. შპს „თრიფნაუ“ მომხმარებლის პერსონალურ მონაცემებს ამუშავებს მოქმედი კანონმდებლობის შესაბამისად და მხოლოდ შესაბამისი სამართლებრივი საფუძვლის არსებობისას.

20.2. მომსახურების ორგანიზებისთვის საჭიროების შემთხვევაში მონაცემები შეიძლება გადაეცეს ავიაკომპანიას, სასტუმროს, ტუროპერატორს, სადაზღვევო კომპანიას, ვიზის გამცემ ორგანოს, ტრანსფერის მიმწოდებელს, დაჯავშნის პლატფორმას ან სხვა შესაბამის მომსახურების მიმწოდებელს.

20.3. მონაცემთა გადაცემა ხორციელდება მხოლოდ იმ მოცულობით, რომელიც აუცილებელია შესაბამისი მომსახურების ორგანიზებისა და შესრულებისთვის ან სხვა კანონიერად დასაშვები მიზნისთვის.

20.4. საერთაშორისო მომსახურების ბუნებიდან გამომდინარე, მონაცემები შეიძლება გადაეცეს საქართველოს ფარგლებს გარეთ მდებარე მომსახურების მიმწოდებელს მოქმედი კანონმდებლობის მოთხოვნების დაცვით.

21. მარკეტინგი, ანალიტიკა და გადახდის მონაცემები

21.1. შპს „თრიფნაუ“ უფლებამოსილია მომსახურებასთან დაკავშირებული ინფორმაცია დაამუშაოს შიდა ადმინისტრირების, სტატისტიკის, მომსახურების ხარისხის შეფასებისა და ბიზნესპროცესების გაუმჯობესების მიზნით, მოქმედი კანონმდებლობის შესაბამისად.

21.2. მარკეტინგული შეტყობინებები იგზავნება მომხმარებლის შესაბამისი თანხმობის ან კანონით გათვალისწინებული სხვა სამართლებრივი საფუძვლის არსებობის შემთხვევაში.

21.3. მომხმარებელს შეუძლია კანონით გათვალისწინებული წესით მოითხოვოს მარკეტინგული კომუნიკაციის შეწყვეტა.

21.4. საბანკო ბარათით ან Pay by Link-ის საშუალებით გადახდისას ტრანზაქციის დამუშავება შეიძლება განხორციელდეს ბანკის ან გადახდის მომსახურების შესაბამისი პროვაიდერის სისტემით.

22. ინდივიდუალურად შეთანხმებული პირობები

22.1. კონკრეტულ მომსახურებაზე შპს „თრიფნაუ“ და მომხმარებელი შეიძლება წერილობით ან ელექტრონულად შეთანხმდნენ დამატებით ან განსხვავებულ პირობებზე.

22.2. ინდივიდუალურად შეთანხმებულ პირობებს, მათი მოქმედების ფარგლებში, უპირატესობა ენიჭება წინამდებარე ზოგად პირობებთან შედარებით, თუ ისინი არ ეწინააღმდეგება საქართველოს მოქმედ კანონმდებლობას.

22.3. კონკრეტულ მომსახურებაზე ასევე შეიძლება გავრცელდეს შესაბამისი მესამე პირის სპეციალური პირობები, თუ ისინი მომხმარებლისთვის წინასწარ ხელმისაწვდომი ან მიწოდებული იყო.

23. წესებისა და პირობების ცვლილება

23.1. შპს „თრიფნაუ“ უფლებამოსილია განაახლოს წინამდებარე პირობები კანონმდებლობის, მომსახურების მოდელის, ტექნიკური პროცესების ან პარტნიორი მიმწოდებლების პირობების ცვლილების შესაბამისად.

23.2. ახალი რედაქცია ძალაში შედის მასში მითითებული თარიღიდან და ვრცელდება ამ თარიღის შემდეგ დადებულ ახალ შეთანხმებებზე, გარდა კანონით გათვალისწინებული შემთხვევებისა.

23.3. უკვე დადასტურებულ მომსახურებაზე გამოიყენება მისი დადასტურების დროს მოქმედი პირობები, თუ შემდგომი ცვლილების გავრცელება აუცილებელია კანონის მოთხოვნის შესასრულებლად ან მომხმარებელთან ცალკე შეთანხმდა.

24. პრეტენზიები, მოქმედი სამართალი და დავების გადაწყვეტა

24.1. შპს „თრიფნაუსა“ და მომხმარებელს შორის ურთიერთობა რეგულირდება საქართველოს მოქმედი კანონმდებლობით.

24.2. მომხმარებელს პრეტენზიის ან მოთხოვნის შემთხვევაში შეუძლია მიმართოს შპს „თრიფნაუს“ შემდეგ საკონტაქტო საშუალებებზე: info@tripnow.ge; +995 501 333 502.

24.3. კომპანია მიღებულ პრეტენზიას განიხილავს და მომხმარებელს პასუხს გასცემს მოქმედი კანონმდებლობით დადგენილი ვადებისა და წესების შესაბამისად, ხოლო თუ სპეციალური ვადა არ არის დადგენილი – გონივრულ ვადაში.

24.4. დავის სასამართლო წესით გადაწყვეტისას გამოიყენება საქართველოს კანონმდებლობით განსაზღვრული განსჯადობისა და იურისდიქციის წესები.

24.5. წინამდებარე პირობების არცერთი დებულება არ ზღუდავს მომხმარებლის უფლებას მიმართოს უფლებამოსილ ადმინისტრაციულ ორგანოს, სასამართლოს ან სხვა კანონით გათვალისწინებულ ორგანოს.

25. საბოლოო დებულებები და პირობების მიღება

25.1. თუ წინამდებარე პირობების რომელიმე დებულება სასამართლოს ან უფლებამოსილი ორგანოს მიერ ჩაითვლება ბათილად ან აღუსრულებლად, ეს არ იწვევს დანარჩენი დებულებების ბათილობას. შესაბამისი დებულება გამოყენებული იქნება მოქმედი კანონმდებლობით დასაშვებ მაქსიმალურ ფარგლებში.

25.2. წინამდებარე პირობების ოფიციალური ვერსია შედგენილია ქართულ ენაზე. სხვა ენაზე მომზადებული თარგმანი შეიძლება გამოყენებულ იქნეს საინფორმაციო მიზნით, ხოლო განსხვავების შემთხვევაში უპირატესობა ენიჭება ქართულენოვან ვერსიას, თუ კანონით სხვა რამ არ არის განსაზღვრული.

25.3. მომხმარებელს მომსახურების შეძენამდე ან შესაბამისი გადახდის განხორციელებამდე უნდა ჰქონდეს წინამდებარე პირობების გაცნობის გონივრული შესაძლებლობა.

25.4. მომხმარებლის მიერ მომსახურების დადასტურება, შესაბამისი გადახდის განხორციელება ან მომსახურების გამოყენება, იმ პირობით, რომ მომხმარებელს წინასწარ ჰქონდა პირობების გაცნობის შესაძლებლობა, ადასტურებს მის თანხმობას წინამდებარე პირობების გამოყენებაზე იმ მოცულობით, რა მოცულობითაც ასეთი თანხმობა კანონით დასაშვებია.

25.5. კონკრეტული ჯავშნის დამადასტურებელი დოკუმენტი, ბილეთი, ვაუჩერი, ინვოისი და ინდივიდუალურად შეთანხმებული პირობები წარმოადგენს შესაბამისი მომსახურების სახელშეკრულებო დოკუმენტაციას და განიმარტება წინამდებარე პირობებთან ერთად.

25.6. წინამდებარე პირობები არ ცვლის და არ აუქმებს საქართველოს მოქმედი კანონმდებლობით დადგენილ იმპერატიულ მოთხოვნებსა და მომხმარებლის უფლებებს.

კომპანიის ინფორმაცია

შპს „თრიფნაუ“
საიდენტიფიკაციო ნომერი: 405856079
საქართველო, თბილისი, საბურთალოს რაიონი, გვირილების ქუჩა, N5
ვებგვერდი: www.tripnow.ge
ელფოსტა: info@tripnow.ge
ტელეფონი: +995 501 333 502